Հանդիպում հայ լրագրողների հետ

17 նոյեմբերի, 2014

2014 թ. նոյեմբերի 17-ին Ներկայացուցչություն այցելեցին ՀՀ մի շարք լրատվամիջոցների ներկայացուցիչներ: Հայ լրագրողները մասնակցում էին Ստամբուլում տեղակայնված «Հրանտ Դինք» հիմնադրամի “Turkey-Armenia Journalists’ Dialogue Programme” ծրագրի շրջանակում կազմակերպվող միջոցառումներին:

Ներկայացուցչությունում կազմակերպված հանդիպման ժամանակ լրագրողներին մանրամասն տեղեկատվություն ներկայացվեց ՍԾՏՀ-ում ՀՀ Մշտական ներկայացուցչության գործունեության, ՍԾՏՀ կառուցվածքի և գործառույթների, կազմակերպությունում Հայաստանի դերի և հեղինակության, շահերի, ինչպես նաև խնդիրների մասին: Կարևորվեց Հայաստանի կառուցողական մասնակցությունը ՍԾՏՀ շրջանակում մշակվող և իրականացվող խոշոր ենթակառուցվածքային և փոքրածավալ ծրագրերում, ռազմավարական հայեցակարգային փաստաթղթերի նախագծերի շուրջ քննարկումներում, ինչպես նաև կազմակերպության արդյունավետության բարձրացմանն ուղղված տարբեր ձևաչափերի նախաձեռնությունների առաջարկման և իրականացման գործընթացներում:

Անդրադառնալով ՍԾՏՀ տարածաշրջանում բազմակողմ համագործակցության խթանման անհրաժեշտությանը, նշվեց կազմակերպության տնտեսական նոր օրակարգի Գործողությունների ծրագրով պայմանավորված համագործակցության առաջնայնությունների իրականացման, ՍԾՏՀ նախագծային ուղղվածության խրախուսման, նախագծերում հարակից մարմինների և գործընկերների առավել ակտիվ ներգրավման, միջազգային ասպարեզներում ՍԾՏՀ կազմակերպության հեղինակության բարձրացման կարևորությունը:

Այս ենթատեքստում, ողջունվեց ՍԾՏՀ տեղեկատվական տեխնոլոգիաների ինկուբատորների ասոցիացիա ստեղծելու վերաբերյալ ՀՀ խոշոր ենթակառուցվածքային նախագիծը, որի վերջնականացման գործընթացները ներկայումս շարունակվում են ՍԾՏՀ Նախագծերի կառավարման մարմնի շրջանակում:

Լրագրողներն, իրենց հերթին, համառոտ տեղեկատվություն ներկայացրեցին իրենց գործունեության, ձեռք բերված հաջողությունների և առկա խնդիրների, ինչպես նաև ապագա ծրագրերի մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր