Սահակ Սարգսյանը հանդիպեց ՍԾՏՀԿ-ի նոր գլխավոր քարտուղարին

02 սեպտեմբերի, 2021

2021թ. սեպտեմբերի 2-ին Սևծովյան տնտեսական համագործակցություն կազմակերպության (ՍԾՏՀԿ) մշտական միջազգային քարտուղարության (ՄՄՔ) կենտրոնակայանում ՍԾՏՀ-ում ՀՀ մշտական ներկայացուցիչ Սահակ Սարգսյանը քաղաքավարական այցով հանդիպեց ՍԾՏՀԿ ՄՄՔ-ի նորանշանակ գլխավոր քարտուղար Լազար Կոմյանեսկուին։

Զրույցի ընթացքում երկուստեք դրական գնահատվեց Հայաստանի և ՍԾՏՀԿ-ի քարտուղարության միջև հաստատված արդյունավետ փոխգործակցությունը, ինչպես նաև՝ ՀՀ կառուցողական ներգրավվածությունը կազմակերպության աշխատանքներին:

Ս. Սարգսյանը հակիրճ ներկայացրեց ՀՀ կառավարության տնտեսական զարգացման գերակայությունները՝ վերահաստատելով Հայաստանի հանձնառությունը շարունակել ակտիվ մասնակցությունը ՍԾՏՀ շրջանակներում ծավալվող բազմաբնույթ համագործակցությանը։

Անդրադարձ կատարվեց նաև կազմակերպության առաջիկա հանդիպումների ու միջոցառումների նախապատրաստական աշխատանքներին և հետագա համագործակցության հեռանկարին: Հանդիպմանը ներկա էր նաև ՍԾՏՀԿ ՄՄՔ-ի գործադիր կառավարիչ Աշոտ Քոչարյանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր