ՀՀ անկախության 20-ամյակին նվիրված միջոցառումներ

21 սեպտեմբերի, 2011

ՀՀ անկախության 20-ամյակին նվիրված միջոցառումներ

Մշտական ներկայացուցչությունը ՀՀ ԱԳՆ և ՀՀ սփյուռքի նախարարության հետ համատեղ աշխատանքներ է իրականացրել հոբելյանի կապակցությամբ Հայաստանում կայացած ՀՀ սփյուռքի նախարարության, ինչպես նաև պոլսահայության կողմից նախաձեռնված միջոցառումների կազմակերպման ուղղությամբ:

«ՀՀ անկախության 20-ամյակին նվիրված ծրագրի» շրջանակում պոլսահայ պատվիրակությունը մասնակցեց Երևանում կայացած սփյուռքի կազմակերպությունների ներկայացուցիչների և համայնքների ղեկավարների համահայկական համաժողովին, «Հայկական սփյուռքի դերն անկախ պետականության կայացման գործում՝ անցած 20 տարիների ընթացքում» ֆիլմում և «Հայկական Սփյուռք-2010» տարեգրքում ընդգրկվեցին պոլսահայության կողմից առաջարկված նյութերը (տեղեկատվական և վերլուծական հոդվածներ, լուսանկարներ, տեսաֆիլմեր), Երևանում, Գյումրիում և Վանաձորում կազմակերպվեց ստամբուլահայ «Դալար» պարային համույթի կողմից հայ հնագույն տարազների և համերգային համարների համատեղ ցուցադրումը, Երևանում անցկացվեց Պոլսի հայկական «Մարմարա» օրաթերթի հիմնադրման 70-ամյակին նվիրված արարողությունը, պոլսահայության ճանաչված գործիչները պարգևատրվեցին ՀՀ մեդալներով և պատվոգրերով:

Ներկայացուցչությունը համապատասխան կաղմակերպչական աշխատանքներ էր իրականացրել նաև 5-րդ համահայկական խաղերի օրերին Երևանում Ստամբուլի հայկական մեկ այլ՝ «Մարալ» պարային համույթի համերգը կազմակերպելու ուղղությամբ:

Նշված միջոցառումները ընդգրկված էին «Պոլսահայ համայնքի օրեր» ծրագրում, որը առաջին անգամ նախաձեռնվել էր ՀՀ սփյուռքի նախարարության կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր