Հայ պատանի շախմատիստները Ստամբուլում

01 նոյեմբերի, 2011

Հայ պատանի շախմատիստները Ստամբուլում

Ներկայացուցչությունը հատուկ ծրագիր էր մշակել Թուրքիայի Իզմիթ քաղաքում կայացած շախմատի պատանիների 10-րդ համաշխարհային օլիմպիադայում մասնակցած և 2-րդ տեղը զբաղեցրած ՀՀ թիմի անդամների և մարզիչի համար: Ծրագիրն ընդգրկում էր հանդիպումներ և այցելություններ, ընկերական խաղեր, մշակութային միջոցառումներ, ինչպես նաև կազմակերպչական հարցեր:
Նոյեմբերի 1-ին թիմը հյուրընկալվել էր Ներկայացուցչունում և ներկայացրել անցած մրցումներին մասնակցության մանրամանսերն ու ապագա ծրագրերը:
Նույն օրը երեկոյան հայ պատանի շախմատիստներին ողջունել էին Ստամբուլի Մերամեջյան վարժարանի և Թաքսիմի մարզական ակումբի ղեկավարներն ու սաները, որոնք բազմիցս մասնակցել են շախմատի տարբեր մակարդակների մրցումներին: Հայ շախմատիստներն ընկերական մենամարտեր անցկացրեցին ստամբուլահայ իրենց հասակակիցների հետ:
Նոյեմբերի 2-ին թիմը այցելեց Պոլսո Հայոց պատրիարքարան, որտեղ թեմի առաջնորդներն իրենց պատգամներն ուղղեցին հայ պատանիներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր