Հայկական գիրքը Ստամբուլում

17 նոյեմբերի, 2011

Երևանը գրքի համաշխարհային մայրաքաղաք

Նոյեմբերի 12-17-ը, Ստամբուլում, Հրատարակիչների միջազգային ասոցիացիայի նախաձեռնությամբ հերթական անգամ կազմակերպվել էր միջազգային գրքի ցուցահանդես-տոնավաճառ, որտեղ ներկայացված է եղել նաև հայկական գիրքը:
Ներկայացուցչությունը կազմակերպչական աշխատանքներ է իրականացրել միջոցառմանը ՀՀ Հրատարակիչների ազգային ասոցիացիայի ներկայացուցիչների մասնակցության, Հայաստանում հայերեն, թուրքերեն և անգլերեն լեզուներով տպագրված առավել ուշագրավ գեղարվեստական, մանկական, գիտահանրամատչելի, հանրագիտարանային և տարաբնույթ այլ գրքերի ներկայացման ուղղությամբ:
Հայկական տաղավարը մեծ հետաքրքրություն էր հանդես բերել այցելուների շրջանակներում: Թուրքիայի մամուլը, մասնավորապես, թուրքահայ «Մարմարա», «Ժամանակ» և «Ագոս» պարբերականները լայնորեն լուսաբանել էին անցկացված միջոցառումը:

Ներկայացուցչությունը համապատասխան աշխատանքներ է իրականացրել վերջին տարիների ընթացքում Թուրքիայում հայկական թեմատիկայով հրատարակված և հետաքրքրություն ներկայացնող գրքերի հստակեցման և ձեռք բերման ուղղությամբ: Արդյունքում, Երևան է ուղարկվել 45 գիրք:

Նոյեմբերի 19-ին, Բուխարեստում կայացած ՍԾՏՀ մշակութային հարցերի աշխատանքային խմբի նիստի մասնակիցների հավանությանն էր արժանացել ՀՀ մշակույթի նախարարության “Literary Ark: Ten Years Later” նախագիծը, որը ներկայացվել էր ՍԾՏՀ Նախագծերի զարգացման հիմնադրամի շրջանակում: Ընդունված որոշումը հաստատվել է ՍԾՏՀ ԱԳ նախարարների խորհրդի կողմից և շուտով կսկսվեն ծրագրի իրականացման աշխատանքները:
Հավանությանն արժանացած նախագիծը «2012թ.՝ Երևանը գրքի համաշխարհային մայրաքաղաք» ծրագրի մաս է կազմում և նվիրված է հայ տպագրության 500-ամյակին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր