Հայ-թուրքական ուսանողական կապեր

19 նոյեմբերի, 2011

Հայ-թուրքական ուսանողական կապեր

Նոյեմբերի 19-ին, Ներկայացուցչություն էր այցելել հայ ուսանողների մի խումբ Երևանի պետական, ամերիկյան, գյուղատնտեսական, մանկավարժական և Վ. Բրյուսովի անվան լեղվաբանական համալսարաններից: Հայ ուսանողներն իրենց թուրք հասակակիցների հետ մասնակցում էին նոյեմբերի 17-20-ը Ստամբուլում կազմակերպված համատեղ միջոցառումներին “Democracy Wheel” տարածաշրջանային նախագծի շրջանակում, որը նախաձեռնվել և իրականացվում էր հայկական “The Future is Yours” և թուրքական ”Community Volunteers Foundation-TOG” հասարակական բարեգործական կազմակերպությունների կողմից ՀՀ-ում ԱՄՆ դեսպանության և “Eurasia Partnership Foundation” հիմնադրամի ֆինանսավորմամբ:

Միջոցառումների մասնակիցների համար երկու երկրներում նախապես կազմակերպվել էին դասընթացներ, որոնց հիմնական թեմատիկան նվիրված էր եղել ժողովրդավարության և մարդու իրավունքների, քաղաքականության, տնտեսության և մշակույթի բնագավառներին:

Ներկայացուցչունում տեղի ունեցած հանդիպման ժամանակ նախագծի տնօրենն ու փորձագետը ներկայացրել էին կազմակերպված միջոցառումներին մասնակցության մանրամանսերն ու ապագա ծրագրերը: Պատասխանելով ուսանողների բազմաթիվ հարցերին՝ Ներկայացուցչության աշխատակիցները անդրադարձել էին ՍԾՏՀ-ում ՄՆ գործունեությանն ու տարածաշրջանային տնտեսական համագործակցության խթանման գործում Հայաստանի դերակատարությանը, բազմակողմ տնտեսական համագործակցության շրջանակում երկկողմ հարաբերությունների դյուրացման հնարավորություններին: Հայ ուսանողները հետաքրքրվում էին նաև պոլսահայության հետ կապված հարցերով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր