Լուսանկարչական ցուցահանդես Ստամբուլում

10 փետրվարի, 2012

Լուսանկարչական ցուցահանդես Ստամբուլում

Փետրվարի 10-ին, Ներկայացուցչությունը մասնակցեց Ստամբուլում կազմակերպված “Նախկին Դիարբեկիրի մշակութային բազմազանությունը” (Cultural Diversity in Old Diarbakir) լուսանկարչական ցուցահանդեսի բացման արարողությանը: Ցուցահանդեսը, որը մեծ հետաքրքրություն է առաջացրել թուրքերի, քուրդերի, հայերի, հրեաների և այլ ազգերի կողմից, կազմակերպել է “Birzamanlar” հրատարակչության խմբագիր Օսման Քյոքերն “Anadolu Kultur” ընկերության նախագահ Օսման Քավալայի և “Global Dialogue” հասարակական կազմակերպության աջակցությամբ:
Արարողությանը ներկա էին քաղաքական և հասարակական գործիչներ, մտավորականներ, գրողներ և արվեստագետներ: Բանախոսների շարքում էր Դիարբեկիրի Սուրի քաղաքի քաղաքապետ Աբդուլա Դեմիրբաշը:
Միջոցառումը լայնորեն լուսաբանվեց տեղական հեռուստատեսության և մամուլի կողմից, հրապարակումներ լույս տեսան պոլսահայ մամուլում:
Ցուցահանդեսը կշարունակվի մինչև ս. թ. մարտի 10-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր