ՀՀ Ազգային ժողովի պատգամավորները հյուրընկալվել են ՍԾՏՀ Ներկայացուցչությունում

22 փետրվարի, 2012

ՀՀ Ազգային ժողովի պատգամավորները
հյուրընկալվել են Ներկայացուցչությունում

Ս. թ. փետրվարի 21-ին, Ներկայացուցչություն էին այցելել ՍԾՏՀ հարակից կազմակերպության` Խորհրդարանական վեհաժողովում ՀՀ պատվիրակության անդամները պատվիրակության ղեկավար Գ. Մինասյանի գլխավորությամբ:

ՍԾՏՀ Խորհրդարանական վեհաժողովում ներկայիս նախագահող երկիր` Հայաստանի պատվիրակությունը մասնակցում էր Ստամբուլում կազմակերպված Վեհաժողովի քաղաքական հարցերի մշտական կոմիտեի նիստի աշխատանքներին:

Ներկայացուցչությունում կայացած հանդիպման ժամանակ քննարկվեցին ՍԾՏՀ-ում և հարակից կազմակերպությունում տեղի ունեցող վերջին զարգացումները: Կարևորվեց պատվիրակությունների միջև կառուցողական կապերի ամրապնդման, հայեցակարգային հարցերի նկատմամբ համապատասխան մոտեցումների և դիրքորոշումների հստակեցման, ինչպես նաև Հայաստանի շահերից բխող խնդիրները համատեղ ջանքերով լուծելու անհրաժեշտությունը:

Փետրվարի 22-ին, Վեհաժողովում ՀՀ պատվիրակությանն ընդունեց Թուրքիայի հայոց պատրիարքական ընդհանուր փոխանորդ Արամ արքեպ. Աթեշյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր