Սևծովյան տնտեսական համագործակցության կազմակերպության Խորհրդարանական վեհաժողովի 20-ամյակը նշվեց Ստամբուլում

26 փետրվարի, 2013

Ս. թ. փետրվարի 26-ին Ներկայացուցչությունը հյուրի կարգավիճակով մասնակցեց Ստամբուլում կազմակերպված ՍԾՏՀ հարակից կազմակերպության` Խորհրդարանական վեհաժողովի Մշտական կոմիտեի “PABSEC – Past Experiences and Future Prospects at the 20th Anniversary” վերտառությամբ արտահերթ նիստին, որը նվիրված էր վեհաժողովի հիմնադրման 20-ամյակին:

Հայաստանի Հանրապետության պատվիրակությունը ղեկավարում էր և ելույթով հանդես եկավ վեհաժողովի տնտեսական, առևտրական, տեխնոլոգիական և բնապահպանական հարցերի կոմիտեի նախագահ, ՀՀ Ազգային ժողովի ֆինանսավարկային և բյուջետային հարցերի հանձնաժողովի նախագահ Գ. Մինասյանը:

Գ. Մինասյանն իր ելույթում անդրադարձ կատարեց անցած 20 տարիների ընթացքում կազմակերպության շրջանակում ձեռք բերված նվաճումներին` կարևորելով անդամ-երկրների տնտեսական զարգացմանն ու բարդ քաղաքական խնդիրների դյուրացմանը նպաստող տարածաշրջանային համագործակցության խթանմանն ուղղված վեհաժողովի առաջնայնություններն ու կազմակերպության շրջանակում ընդունված որոշումների իրականացման անհրաժեշտությունը:

Անդրադառնալով վեհաժողովի իրավական դաշտի բարելավման գործընթացներին` Գ. Մինասյանը գոհունակությամբ նշեց, որ անցած երկու տարիների ընթացքում կայացած մանրակրկիտ քննարկումների արդյունքում կյանքի կոչվեցին ՀՀ պատվիրակության կողմից ներկայացված թվով 10 առաջարկությունները վեհաժողովի գործառույթների մասին հիմնական փաստաթղթում փոփոխություններ կատարելու վերաբերյալ: Կատարված փոփոխությունների շնորհիվ կազմակերպության բոլոր անդամ-երկրներն այսուհետ հավասարապես ներկայացված կլինեն վեհաժողովի քարտուղարությունում և ղեկավար պաշտոններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր