ՍԾՏՀ-ում ՀՀ նորանշանակ մշտական ներկայացուցչի այցը ՍԾՏՀԽՎ քարտուղարություն

11 փետրվարի, 2019

ՍԾՏՀ-ում ՀՀ նորանշանակ մշտական ներկայացուցիչ Սահակ Սարգյանն 2019թ. փետրվարի 11-ին քաղաքավարական այց կատարեց Սևծովյան տնտեսական համագործակցության խորհրդարանական վեհաժողովի (ՍԾՏՀԽՎ) միջազգային քարտուղարություն, որտեղ հանդիպեց ՍԾՏՀԽՎ-ի գլխավոր քարտուղար Ասաֆ Հաջիևին։

Զրույցի ընթացքում երկուստեք անդրադարձ կատարվեց Հայաստան-ՍԾՏՀԽՎ փոխգործակցությանը` ներառյալ 2018թ. նոյեմբերի 26-28-ը Երևանում կայացած ԽՎ-ի Գլխավոր ասամբլեայի 52-րդ նստաշրջանին: Սահակ Սարգսյանը հակիրճ ներկայացրեց Հայաստանի ներքաղաքական զարգացումները՝ ներառյալ վերջին խորհրդարանական ընտրությունները, նոր կառավարության գերակայությունները՝ վերահաստատելով Հայաստանի հանձնառությունը շարունակել ակտիվ մասնակցությունը ՍԾՏՀ շրջանակներում ծավալվող բազմաբնույթ համագործակցությանը։

Հանդիպմանն անդրադարձ կատարվեց նաև ԽՎ-ի առաջիկա աշխատանքներին և օրակարգային հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր