ՀՀ-ում անտառային հրդեհների դեմ պայքարի մասին պրեզենտացիա ՍԾՏՀ կենտրոնակայանում

04 նոյեմբերի, 2019

2019թ. նոյեմբերի 4-ին ՍԾՏՀ-ում ՀՀ մշտական ներկայացուցչությունը կազմակերպության կենտրոնակայանում անցկացված ՍԾՏՀԿ արտակարգ իրավիճակներում օգնության համագործության հարցերով աշխատանքային խմբի հանդիպման շրջանակներում ներկայացրեց հրդեհների դեմ պայքարում նորարական մոտեցումների հայաստանյան փորձը:

Պրեզենտացիայի սկզբում հակիրճ ներկայացվեց Հայաստանում հանրօգուտ և սոցիալական ձեռներեցության զարգացման ուղղվածություն ունեցող ձեռնարկությունների առաջին աքսելերատորի՝ ImpactAim-ի հիմնադրման գաղափարն ու գործունեությունը: ՄԱԶԾ հայաստանյան գրասենյակի կողմից հիմնադրված հանրօգուտ ներդրումների (impact investment) աքսելերատորը նորարարական նախաձեռնություն է, որի նպատակը ՄԱԶԾ-ի գլոբալ ցանցի և փորձի կիրառմամբ սոցիալական ձեռներեցության ու հանրօգուտ ուղղվածություն ունեցող ընկերությունների՝ ներառյալ սթարթափերի ազդեցության մեծացումն է ՀՀ-ում և այլ երկրներում՝ կայուն զարգացման նպատակներին հասնելու համար:

ՍԾՏՀԿ-ում ՀՀ մշտական ներկայացուցիչը մասնավորապես անդրադարձավ ImpactAim-ի օժանդակությամբ երկու սթարթափ նախագծերի՝ Datathon-ի and Forest Guard-ի մշակած նորարական համակարգերին, որոնց գործադրմամբ հնարավոր է կանխել հրդեհները և կանխատեսել հրդեհների տարածման ինտենսիվությունն ու ուղղությունները՝ այդպիսով դրական ազդեցություն ունենալ բնապահպանության և կլիմայի փոփոխության վրա: Հիշյալ համակարգերը ստեղծվել են՝ կիրառելով բարդ ալգորիթմեր և արհեստական բանականության հնարավորությունները: Ներկաներին տեղեկացվեց, որ Datathon և Forest Guard համակարգերն իրենց թիրախում ունեն նաև ՀՀ սահմաններից դուրս շուկաները:

Պրեզենտացիայի ավարտին ՀՀ պատվիրակությունը մատնանշեց հանրօգուտ ներդրումների ոլորտում ՍԾՏՀ անդամ պետությունների և նորարարական ձեռնարկությունների և սթարթափերի միջև համագործակցության կարևորությունը, որի արդյունքում նորարարական հանրօգուտ նախագծերը կարող են կիրառվել նաև ՍԾՏՀ տարածաշրջանի այլ երկրներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր