Վերականգնվող էներգետիկայի ոլորտում հայաստանյան փորձի մասին պրեզենտացիայի ներկայացում ՍԾՏՀ կենտրոնակայանում

29 նոյեմբերի, 2019

2019թ. նոյեմբերի 29-ին ՍԾՏՀԿ կենտրոնակայանում անցկացված կազմակերպության Էներգետիկայի հարցով աշխատանքային խմբի (ԷԱԽ) հանդիպմանը ՀՀ պատվիրակությունը ներկայացրել է վերականգնվող էներգետիկայի և էներգախնայողության ոլորտում հայաստանյան փորձը:

Հանդիպման մասնակիցների ուշադրությանը ներկայացվեց մասնավորապես Հայաստանի վերականգնվող էներգետիկայի և էներգախնայողության հիմնադրամի (ՀՎԷԷ) գլխավոր նպատակներն ու գործունեության ռազմավարական ուղղությունները։

Տեղեկացվեց, որ ՀՎԷԷ հիմնադրամը նպատակ ունի համապատասխան խթանիչ միջավայր ստեղծել և ճանապարհ հարթել ոլորտում մասնավոր ներդրումների համար, ապահովել ոլորտի ընդհանուր զարգացումը, հիմքեր ստեղծել երկրում էներգաարդյունավետության ընդհանուր մակարդակի բարձրացման համար: Ներկայումս իրականացվող ծրագրերի թվում նշվեց արդյունաբերական մասշտաբի արևային ֆոտովոլտային, երկրաջերմային էներգետիկայի զարգացման, հանրային նշանակության օբյեկտներում էներգախնայողության, ՀՀ-ում համայնքների էներգաարդյունավետության բարձրացման ծրագրերը:

Խոսելով ՀՎԷԷ հիմնադրամի միջազգային կապերի ու գործընկերների մասին պրեզենտացիայի ավարտին ՀՀ պատվիրակությունը մատնանշեց վերականգնվող էներգետիկայի ոլորտում ՍԾՏՀ անդամ պետությունների, հիմնադրամների, նորարարական ձեռնարկությունների և սթարթափերի միջև համագործակցության կարևորությունը, որի արդյունքում հաջողված նախագծերը կարող են կիրառվել նաև ՍԾՏՀ տարածաշրջանի այլ երկրներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր