ՍԾՏՀԿ նախագահության, ավագ պաշտոնյաների կոմիտեի, առնչվող մարմինների և ՄՄՔ համակարգման հանդիպում

17 հունվարի, 2020

2020թ. հունվարի 17-ին ՍԾՏՀԿ կենտրոնակայանում կազմակերպությունում ՀՀ մշտական ներկայացուցիչ (ՄՆ) Ս. Սարգսյանը մասնակցեց ՍԾՏՀ նախագահության (Ռումինիա), ավագ պաշտոնյաների կոմիտեի, ՍԾՏՀ-ին առնչվող մարմինների և ՍԾՏՀ-ի մշտական միջազգային քարտուղարության (ՄՄՔ) համակարգման հանդիպմանը:

Ռումինիայի ԱԳՆ երկկողմ հարաբերությունների, տարածաշրջանային համագործակցության և եվրոպայի ընդարձակման հարցերով գլխավոր տնօրեն Անտոնետա Բարտայի կողմից ներկայացվեց այդ երկրի ՍԾՏՀ նախագահության գերակայությունները: Նա որպես ռումինական նախագահության գերակայություն առանձնացրեց ՍԾՏՀ ոլորտային համագործակցութունը հետևյալ բնագավառներում՝ տրանսպորտ և հաղորդակցություն, շրջակա միջավայր և «կանաչ»/վերականգնվող էներգետիկա, ԿԶՆ-ներ, կայուն տնտեսական զարգացում և մրցակցություն։

Շնորհավորելով Ռումինիային ՍԾՏՀԿ նախագության ստանձնման կապակցությամբ՝ ՀՀ ՄՆ-ը հայտնեց Հայաստանի լիակատար աջակցությունը ռումինական նախագահությանն՝ իր գերակայություններն կյանքի կոչելու և կազմակերպության կարևոր օրակարգը (ներառյալ նրա բարեփոխումները) հաջողությամբ առաջ մղելու գործում: Ս. Սարգսյանը նաև ներկայացրեց ՀՀ առաջարկներն ու նկատառումները ռումինական նախագահության միջոցառումների օրացույցի վերաբերյալ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր