ՍԾՏՀԿ արտակարգ իրավիճակներում օգնության համագործակցության աշխատանքային խմբի տեսահանդիպում

03 հունիսի, 2020

Ս.թ. հունիսի 3-ին կայացել է ՍԾՏՀԿ արտակարգ իրավիճակներում օգնության համագործակցության աշխատանքային խմբի (ԱԻՕՀԱԽ) և արտակարգ իրավիճակներում օգնության ցանցի համակարգողների (ԱԻՕՑՀ) համատեղ տեսահանդիպումը։ Հարկ է նշել, որ հիշյալ համատեղ հանդիպումը, ըստ ՍԾՏՀԿ ընթացիկ նախագահության օրացույցի, նախատեսված էր անցկացնել նույն օրը Աթենքում՝ համաեվրոպական ԱԻ համաժողովին զուգահեռ, սակայն Covid-19-ի համավարակով պայմանավորված անցկացվեց տեսակապի միջոցով, որը կազմակեպության աշխատանքային պրակտիկայում թեմատիկ աշխատանքային խմբի առաջին տեսահանդիպումն էր։ Մի քանի երկիր՝ ներառյալ ՀՀ-ն նշեցին, որ նախապատվություն են տալիս անտառային հրդեհների և ջրհեղեղների հարցերով, ինչպես նաև սեյսմիկ ռիսկի փորձագետների ժամակավոր ԱԽ-ները ԱԻՕՀԱԽ-ի հետ միավորելուն։ ՀՀ ՄՆ Ս. Սարգսյանը նշեց, որ երեք ԺԱԽ-ների միավորումն հիմնական ԱԽ-ին հնարավորություն կտա անդամ պետություններին ու ՄՄՔ-ին խնայել միջոցներ ու ժամանակ և կնպաստի միմյանց հետ փոխկապակցված այդ ոլորտներում համագործակցության ուղղված ջանքերի արդյունավետության բարձրացմանը։ Մտքեր փոխանակցվեցին նաև տարածաշրջանում արտակարգ իրավիճակի դեպքում ԱԻՕՑՀ-ի կողմից քայլերի նախաձեռման, ցանցի ղեկավարման, ինչպես նաև ԱԻՕՀԱԽ-ի ներկա և հաջորդ գործողությունների ծրագրերի հարցերի շուրջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր