ՍԾՏՀԿ Ավագ պաշտոնյաների կոմիտեի տեսահանդիպում

17 հունիսի, 2020

Ս.թ. հունիսի 17-ին կայացել է ՍԾՏՀԿ Ավագ պաշտոնյաների կոմիտեի (ԱՊԿ) տեսահանդիպումը, որը նման ձևաչափով կազմակերպության պատմության մեջ առաջին անգամ էր անցկացվում ՝ պայմանավորված Covid-19 համավարակով։ Տեսահանդիպման օրակարգում էր կազմակերպության նախագահության ռոտացիայի նոր հաջորդականության հաստատումը։ Ալբանիան, Վրաստանը և Մոլդովան, որոնք ՍԾՏՀԿ նախագահության ռոտացիայի ներկա ցիկլում ավելի վաղ հրաժարվել էին նախագահությունից, համաձայնվեցին ռոտացիայի ներկա ցիկլում ստանձնել ՍԾՏՀԿ-ում «ՄՄՔ օժանդակությամբ նախագահություն» ("Secretariat-assisted Chairmanship”)՝ համապատասխանաբար 2021թ. առաջին կեսի, 2021թ. երկրորդ կեսի և 2022թ. առաջին կեսի համար։ Հաշվի առնելով Covid-19-ի համավարակի հետևանքով 2020թ. առաջին կեսի (ռումինական նախագահության) հանդիպումների մեծ մասի հետաձգումը, ՍԾՏՀԿ-ում ներկա նախագահող երկիր Ռումինիան իր հերթին պատրաստակամություն հայտնեց երկարաձգելու կազմակերպությունում իր նախագահության ժամկետը՝ մինչև ընթացիկ տարվա ավարտը։ ԱՊԿ-ն որոշեց Մոլդովային հաջորդող նախագահության (2022թ. երկրորդ կեսից հետո) ռոտացիայի հարցը դիտարկել կոմիտեի առաջիկայում կազմակերպվելիք հանդիպմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր