Համերգ՝ նվիրված մեծանուն հայ կոմպոզիտոր Արամ Խաչատրյանի 120 ամյակին

22 նոյեմբերի, 2024

Նոյեմբերի 22֊ին Ստամբուլի ամենաճանաչված երաժշտական կենտրոններից մեկում՝ «Ջեմալ Ռեշիդ Ռեյ» համերգասրահում, կայացել է համերգ՝ նվիրված մեծանուն հայ կոմպոզիտոր Արամ Խաչատրյանի 120 ամյակին։ Այն կազմեկերպել էր ՍԾՏՀԿ-ում Հայստանի Հանրապետության մշտական ներկայացուցչությունը՝ այս միջազգային կազմակերպությունում Հայաստանի Հանրապետության նախագահությունը նշանավորելու նպատակով։

ՍԾՏՀԿ-ում Հայաստանի մշտական ներկայացուցիչ Նաիրի Պետրոսյանն իր ողջույնի խոսքում ներկայացրել է Արամ Խաչատրյանի ստեղծագործական հետագիծը՝ ընդգծելով, որ երաժշտությունը սահմաններ չի ճանաչում ու թարգմանության կարիք չունի: Նա նաև նշել է, որ Սև ծովի տարածաշրջանը բարդ է ու բազմաշերտ՝ հույս հայտնելով, որ միջոցառումը կնպաստի տարածաշրջանի պետությունների միջև խաղաղության և համագործակցության ոգու հաստատմանը:

Հայաստանից ժամանած տաղանդավոր երաժիշտներ Սոնա Բարսեղյանի (դաշնամուր), Միքայել Նավասարդյանի (թավջութակ) և Անուշ Նիկողոսյանի (ջութակ) կատարմամբ հնչել են հայ կոմպոզիտորներ Արամ Խաչատրյանի, Կոմիտաս վարդապետի, Ալեքսանդր Հարությունյանի և Առնո Բաբաջանյանի ստեղծագործությունները։

Համերգին և դրան հաջորդած պաշտոնական ընդունելությանը ներկա էին Կ․Պոլսի (Թուրքիայի) Ն․Ա․Տ․ Սահակ Բ Հայոց Պատրիարքը, ՍԾՏՀԿ գլխավոր քարտուղար Լազար Կոմենեսկուն, Թուրքիայի արտաքին գործերի նախարարության բարձրաստիճան և պաշտոնաթող դիվանագետներ, Ստամբուլում աշխատող մի շարք գլխավոր հյուպատոսներ և հյուպատոսական կորպուսի ներկայացուցիչներ, միջազգային կազմակերպությունների պաշտոնյաներ, տեղական ինքնակառավարման մարմինների ներկայացուցիչներ, մտավորականներ, ակադեմիական շրջանակների ներկայացուցիչներ, արվեստագետներ, հասարակական գործիչներ, թուրքահայ համայնքի և ազգային-կրոնական փոքրամասնությունների առաջնորդներ և այլ արվեստասերներ։

Համերգն իրականացվել է FLY ONE ARMENIA ավիաընկերության, Երևանի կոնյակի գործարանի և Karas Wines-ի աջակցությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր